بغض النظر أنا قعدت أفكر كتير أعملهم و لا لاء , ف النهاية قولت هعملهم , فيه ناس كتير ميعرفوش مين دول - و لو قالوا عارفين هيبقى بسبب أنهم شافوهم على اليوتيوب  لمدة دقايق بسيطة أو يمكن فى صور عن حاجات و زمن مبقاش موجود - لكن فيه ناس تانية برده زيها زيـى يعرفوهم حق المعرفة - فيه عشره متتوصفش مبينا ,  الشىء الخفى اللى محدش بينتبهله - هو ليه بيشتغلوه على النوع ده من الأعلانات , ليه الحاجات دى بتبسط الناس و بتعمل صيت جامد و حلو , على الرغم من أنهم المفروض يشتغلوا على حاجة تعجب الجيل الصغير الجديد الموجود دلوقت ؟ - عارفين ليه علشان مفيش حاجة أو أيكونز معينة تقدر توصف فترتهم - مفيش رموز معينه للحقبة الجديدة اللى عيشنها - يبدو الأمر من جانب هؤلاء السادة و كانه أعتراف منهم بأد أيه الزمن اللى أحنا عايشين فيه دلوقت ردىء و بايخ و فالصو و ميتبلعش - فبيقولو ليكم بصو كان فيه زمن حلو أوى كان فيه الحاجات العجيبة دى - كان فيه مستوى ثقافى و أبداعى و أخلاقى راقى - كان فيه جيل محترم و كويس و يجى منه بس سبناه يموت و قعدنا نتفرج عليه - الشىء الأخير اللى أنا متأكد منه هو انه بعد عشرين أو تلاتين سنه مش هيقدرو يعملو أو يجيبو للجيل الموجود ساعتها زى مبيعملو دلوقت - حاجة .. أى حاجة كويسة تؤرخ الفترة اللى أحنا فيها دى  , مش هيكون فيه شىء يرجعك للحنين للفترة الموجودة دلوقت

Reblogged from manoola87